Road Accident: శ్రీకాకుళం జిల్లాలో ఘోర రోడ్డు ప్రమాదం సంభవించింది. శ్రీకాకుళం జిల్లా పలాస మండలం సుమ్మాదేవి జాతీయ రహదారి పై రైల్వే గేటు సమీపంలో జీపు టైరు పేలడంతో ఈ ప్రమాదం సంభవించింది. ఈ దుర్గటన లో నలుగురు ఎస్కార్ట్ పోలీసులు మృతి చెందారు.
ఓ ఆర్మీ జవాను అంత్యక్రియల కోసం బొలెరో వాహనం లో ఆర్మీ సిబ్బంది వెళ్లి తిరిగి వస్తుండగా ఈ ప్రమాదం జరిగింది. వారు ప్రయాణిస్తున్న వాహనం టైరు పేలి, అదుపు తప్పి లారీ ని ఢీ కోట్టి పక్కనే ఉన్న డీవైడర్‌ పైకి దూసుకు వెళ్ళింది. ఈ ప్రమాదం లో ఏ ఆర్ ఎస్ఐ కృష్ణం నాయుడు హెడ్ కానిస్టేబుల్స్ జనార్థనరావు, ఆంటోనీ, కానిస్టేబుల్ బాబూరావులు అక్కడికక్కడే మృతి చెందారు. సంఘటన ప్రదేశానికి చేరుకున్న స్థానిక పోలీసులు వివరాలు తెలుసుకొని కేసు నమోదు చేసి దర్యాప్తు చేస్తున్నారు. పూర్తి వివరాలు తెలియరావాల్సి ఉంది.
