ఏపి గురుకుల విద్యాబోధనకు సంబంధించి ప్రభుత్వం కీలక నిర్ణయం తీసుకుంది. ఏపి గురుకులాల్లో ఇప్పటి వరకూ అందుబాటులో ఉన్న ఎంఈసీ (మాథ్స్, ఎకనమిక్స్, కామర్స్) కోర్సును రద్దు చేస్తూ నిర్ణయాన్ని తీసుకుంది. ఈ విషయాన్ని రాష్ట్ర సాంఘీక సంక్షేమ శాఖ మంత్రి మేరుగ నాగార్జున సోమవారం అధికారికంగా వెల్లడించారు.
మాథ్స్ తో పాటు ఆర్ధిక శాస్త్రంపై మంచి పట్టు సాధించేందుకు ఈ కోర్సును విద్యార్ధులు ఎంపిక చేసుకుంటుంటారు. అయితే ప్రభుత్వం ఎంఈసీ కోర్సు స్థానంలో ఎంపీసీ, బైపీసీ కోర్సులను ప్రవేశపెడుతున్నట్లు ఆయన తెలిపారు. ఎంఈసీ కోర్సు రద్దు నిర్ణయం వచ్చే విద్యాసంవత్సరం నుండి అమలులోకి వస్తుందని ఆయన వెల్లడించారు.
