రాష్ట్రంలో మే 13 వ తారీఖున జరిగే ఎన్నికల్లో పవన్ కళ్యాణ్ పై ఉన్న అభిమానాన్ని ఓటు ద్వారా చూపించాలని ప్రముఖ హీరో కొణిదెల వరుణ్ తేజ్ కోరారు. జనసేన పార్టీ అధ్యక్షుడు పవన్ కళ్యాణ్ కు మద్దతుగా పిఠాపురం నియోజకవర్గంలో శనివారం ప్రచారం చేశారు. దుర్గాడ గ్రామ ప్రజలు ఆయనకు ఘన స్వాగతం పలికారు. అడుగడుగునా కూటమి పార్టీల జెండాలతో జన సమూహంతో జంక్షన్ మొత్తం నిండిపోయింది. ఈ సందర్బంగా వరుణ్ తేజ్ మాట్లాడుతూ…మీ సొంత ఊరు ఏది అంటే పిఠాపురం అని చెప్పుకునే విధంగా మీ అందరూ చూపిస్తున్న ప్రేమ ఉందని అన్నారు. పవన్ కళ్యాణ్ ఓటమికి కూడా ఎప్పుడు భయపడని వ్యక్తిని కేవలం ప్రజల కోసమే నిరంతరం పనిచేస్తూ ఉంటారని అన్నారు. మీకోసం నిరంతరం ఆలోచించే పవన్ కళ్యాణ్ కు ఓటేసి లక్ష మెజార్టీతో అసెంబ్లీ పంపాలని కోరారు. ప్రతి ఒక్కరు కూడా మే 13 వ తారీకున తమ ఓటు హక్కును వినియోగించుకోవాలని విజ్ఞప్తి చేశారు.
టిడిపి మాజీ ఎమ్మెల్యే ఎస్వీఎస్ఎన్ వర్మ తనయుడు గిరీష్ మాట్లాడుతూ మీ రెండు ఓట్లు గ్యాస్ గుర్తుపై వేసి ఎమ్మెల్యే గా పవన్ కళ్యాణ్, కాకినాడ జిల్లా ఎం.పి. అభ్యర్థి గా తంగెళ్ల ఉదయ్ శ్రీనివాసులు గెలిపించాలని కోరారు. ఆయనతో బిజెపి కాకినాడ అధ్యక్షుడు కృష్ణంరాజు,ఉమ్మడి జిల్లాల కార్యదర్శి జ్యోతి శ్రీనివాస్ ఉ న్నారు.రోడ్ షో కార్యక్రమంలో టిడిపి జనసేన బిజెపి పార్టీ నాయకులు కార్యకర్తలు, పవన్ కళ్యాణ్ అభిమానులు, మెగా ఫ్యామిలీ అభిమానులు అధిక సంఖ్యలో పాల్గొన్నారు.
