Prakasam SP: ప్రకాశం జిల్లా నూతన ఎస్పీ గా మాలిక గర్గ్ గురువారం బాధ్యతలు స్వీకరించారు. సిద్ధార్థ కౌశల్ బదిలీ తర్వాత దాదాపు ఆరు రోజుల పాటూ ఖాళీ ఏర్పడిన తర్వాత మాలిక గార్గ్ ని నియమిస్తూ ప్రభుత్వం నిన్న ఉత్తర్వులిచ్చిన సంగతి తెలిసిందే. గురువారం మధ్యాహ్నమే ఆమె తన కార్యాలయంలో విధుల్లో చేరారు. ఈ సందర్భంగా జిల్లా పోలీస్ కార్యాలయంలో అధికారులు, సిబ్బంది ఆమెకు గౌరవ వందనంతో, సాదర స్వాగతం పలికారు. ఆమెను పరిచయం చేసుకున్నారు. అనంతరం ఎస్పీ మాలిక గర్గ్ మాట్లాడుతూ “ప్రకాశం జిల్లా ప్రజలకు నిత్యం అందుబాటులో ఉంటూ వారి శాంతిభద్రతలు కాపాడేందుకు నిబద్దతో కృషి చేస్తానని తెలిపారు”
Prakasam SP: రెండో మహిళా… ప్రత్యేక శైలి..!!
ఈమె జిల్లాకు రెండో మహిళా ఎస్పీ. గతంలో 2003-04 లో చారు సిన్హా జిల్లాలో ఎస్పీ గా పని చేసారు. అప్పట్లో ఆమె చెరగని ముద్ర వేశారు. చీమకుర్తి క్వారీల్లో జరిగిన కొన్ని అసాంఘిక కార్యకలాపాలు, సాగర్ కాలువ గట్లపై జరిగిన నేరాలు, నల్లమల ప్రాంతాల్లో జరిగిన కొన్ని హత్యలను ఛేదించడంతో సిబ్బందితో సమర్ధవంతంగా పని చేయించారు. అప్పట్లో ఆమె జిల్లాలో ఏడాదిన్నర పని చేసినప్పటికీ.. మంచి పేరు తెచ్చుకున్నారు. దాదాపు 18 ఏళ్ళ తర్వాత మళ్ళీ జిల్లాకు మహిళా ఎస్పీగా మాలిక గార్గ్ వచ్చారు.
