Viveka Murder Case: మాజీ మంత్రి వైఎస్ వివేకానంద రెడ్డి హత్య కేసులో నిందితుడుగా ఉన్న దేవిరెడ్డి శివశంకరరెడ్డికి కడప జిల్లా కోర్టు షాక్ ఇచ్చింది. దేవిరెడ్డి శివ శంకరరెడ్డి దాఖలు చేసుకున్న పిటిషన్ ను కడప జిల్లా కోర్టు కొట్టేసింది. వివేకా హత్య కేసులో అరెస్టు అయి సెంట్రల్ జైలులో జ్యూడీషియల్ రిమాండ్ లో ఉన్న దేవిరెడ్డి శివశంకర్ రెడ్డి తనకు జైలులో ప్రత్యేక వసతులకు అనుమతులు కల్పించేలా ఆదేశాలు ఇవ్వాలని కోరుతూ ఇటీవల కడప జిల్లా కోర్టులో పిటిషన్ దాఖలు చేశారు. ఈ పిటిషన్ పై కోర్టు విచారణ జరిపింది. దేవిరెడ్డికి జైలులో ప్రత్యేక వసతులు అవసరం లేదని సీబీఐ తరుపు న్యాయవాది కోర్టులో వాదనలు వినిపించారు. సీబీఐ వాదనలతో ఏకీభవించిన కోర్టు జైలులో ప్రత్యేక వసతులకు నిరాకరిస్తూ అతని పిటిషన్ ను కొట్టేసింది.