AP Govt: ఏపిలో ప్రభుత్వ ఉద్యోగులకు గుడ్ న్యూస్

AP Govt: ఏపి ప్రభుత్వ ఉద్యోగుల బదిలీలకు సర్కార్ పచ్చ జెండా ఊపింది. ఉద్యోగుల బదిలీలకు సంబంధించి సీఎం వైఎస్ జగన్ గ్రీన్ సిగ్నల్ ఇవ్వడంతో సాధారణ బదిలీలపై నిషేదం ఎత్తివేస్తూ ప్రభుత్వం నేడు ఉత్తర్వులు జారీ చేసింది. జూన్ 8 నుండి 17వ తేదీ వరకూ బదిలీలకు ప్రభుత్వం అనుమతి ఇచ్చింది. అయిదేళ్లు పైబడి ఉద్యోగులకు బదిలీ అవకాశం కల్పిస్తున్నారు.

వ్యక్తిగత వినతులు, పరిపాలన సౌలభ్యం అధారంగా బదిలీలను చేపడుతున్నారు. కరోనా నేపథ్యంలో రాష్ట్రంలో రెండేళ్లుగా ఉద్యోగుల బదిలీలకు ప్రభుత్వం అవకాశం ఇవ్వలేదు. అయితే గత ఏడాది డిసెంబర్ నెలలో ఉద్యోగుల పరిస్పర బదిలీలకు ప్రభుత్వం అనుమతి ఇచ్చింది. ఈ నెల 17వ తేదీ నుండి బదిలీపై బ్యాన్ కొనసాగుతుందని ప్రభుత్వం ఉత్తర్వుల్లో పేర్కొంది.