Pawan Kalyan: పవర్ స్టార్ పవన్ కల్యాణ్ అభిమానులు, జనసేన కార్యకర్తలు సోషల్ మీడియాలో తమ సత్తా చాటుతున్నారు. సోషల్ మీడియాలో పవన్ అభిమానుల శక్తి ముందు వైసీపీ, టీఆర్ఎస్, టీడీపీ పార్టీలు దిగదుడుపే. పవన్ కళ్యాణ్ కి సంబంధించి ఎటువంటి వార్త అయినా చాలా ప్రతిష్టాత్మకంగా తీసుకుంటూ దూసుకుపోతుంటారు. ఎప్పటి కప్పుడు ట్రెండింగ్ లోకి రకరకాల టాపిక్ లు తెస్తుటారు. గత మూడేళ్లపాటు రాజకీయ రంగంలో బిజీగా ఉన్న పవన్ ప్రస్తుతం మళ్లీ సినీరంగంలోకి అడుగు పెట్టి అనేక సినిమాలు ఒప్పుకుంటూ ముందుకు వెళుతుండటంతో అభిమానులు మంచి జోష్ మీద ఉన్నారు. పవన్ ఒప్పుకుంటున్న ప్రాజెక్టులు అభిమానులకు మరింత ఆనందాన్ని కల్గిస్తున్నాయి. ఇటీవల పవన్ కల్యాణ్ కు సంబంధించి పాత ఫోటో ఒకటి సోషల్ మీడియాలో ట్రెండింగ్ కాగా తాజాగా పవన్ అభిమానులు ఆయన జన్మదినోత్సవాన్ని పురస్కరించుకుని 50 రోజుల ముందుగా హాష్ టాగ్ పవనోత్సాహంను సోషల్ మీడియాలో సెట్ చేశారు.
సెప్టెంబర్ రెండవ తేదీన పవన్ కల్యాణ్ జన్మదినోత్సవం. దీనిని పురస్కరించుకుని పవన్ అభిమానులు సరికొత్త ట్రెండ్ ను సోషల్ మీడియాలో సెట్ చేశారు. పవనోత్సాహం అనే హాష్ టాగ్ వైరల్ చేస్తున్నారు. ఇదే తరుణంలో పవన్ కల్యాణ్ తన జన్మదినోత్సవం నాడు దగ్గుబాటి రాణా తో చేస్తున్న మల్టీ స్టారర్ మువీ టీజర్, అదే విధంగా హరిహర వీరమల్లు మువీకి సంబంధించిన ఏదో ఒక అప్ డేట్ రిలీజ్ చేసే ఆలోచనలో పవన్ ఉన్నట్లు తెలుస్తోంది. అదే విధంగా హరీష్ శంకర్ దర్శకత్వంలో త్వరలో ప్రారంభమయ్యే మువీ ఫస్ట్ లుక్ తో టైటిల్ తో కూడిన పోస్టర్ కూడా రిలీజ్ చేసే అవకాశం ఉన్నట్లు తెలుస్తోంది.
ప్రస్తుతం పవన్ కల్యాణ్ మూడు సినిమాలు ఒప్పుకున్నారు. అందులో రెండు సెట్స్ పై ఉన్నయి. మరొకటి ప్రారంభం కావాలి. అయ్యపనం కోషియం రీమేక్ షూటింగ్ లో పాల్గొనాలని ప్లాన్ చేసినా కానీ షూటింగ్ వాయిదా పడింది. ఈ వారం చివర గానీ వచ్చే వారం గానీ షూటింగ్ మొదలు అయ్యే అవకాశం ఉంది.
