Saturday, December 3, 2022
Home విశ్లేషణ Darsi TDP: దర్శి చెవికి టీడీపీ "కమ్మ"లు..! ఎంత మేరకు మెరుస్తాయి..!?

Darsi TDP: దర్శి చెవికి టీడీపీ “కమ్మ”లు..! ఎంత మేరకు మెరుస్తాయి..!?

- Advertisement -

Darsi TDP: జిల్లాలో వైసీపీ ద్వంద్వ నాయకత్వాలతో కలహాలు పడుతున్న నియోజకవర్గాల్లో.. టీడీపీ నాయకత్వ లేమితో తంటాలు పడుతుంది.. అందులో మొదటిది చీరాల, రెండోది దర్శి.. చీరాలలో టీడీపీకి ఇప్పుడప్పుడే ఒక స్థిరమైన నాయకున్ని తీసుకురాలేదు. ఆ నియోజకవర్గాన్ని తట్టుకుని, శ్రేణుల్ని నిలబెట్టగల స్థాయిలో నాయకులు ప్రస్తుతం ఎవరూ లేరు.. అందుకే అక్కడ ముగ్గురు సమన్వయకర్తల పేరుతో ఏదో నడిపిస్తుంది.. ఇక దర్శి నియోజకవర్గానికి మాత్రం నానా తంటాలు పడి, పడి.. వెతికి వెతికి చివరికి పమిడి రమేష్ ని ఇంఛార్జిగా ఖరారు చేసింది. సమన్వయకర్త వేరు, ఇంచార్జి వేరు, పోటీ చేసే అభ్యర్థి వేరు.. ఒక్కోసారి ముగ్గురు ఒక్కరే అవ్వవచ్చు.., ఒక్కోసారి మారవచ్చు. సో.., పమిడి రమేష్ ఆ నియోజకవర్గ బరువు బాధ్యతల్ని మోయాల్సిందే. టికెట్ సంగతి తర్వాత.. ప్రస్తుతానికి అక్కడ ఆయన పని చేయాలి, చేయించాలి. తాత్కాలిక సంతృప్తి కోసం “నీకే టికెట్, బాగా చేసుకో, నువ్వే గెలుస్తావు” అని బాబు గారు సెలవిచ్చినప్పటికీ.., దర్శిలో రానున్న కాలంలో చాలా రాజకీయ మార్పులు జరగనున్నాయి.. అటూ ఇటూ కీలక మార్పులు చోటు చేసుకోనున్నాయి.. రెండు బలమైన శక్తులు హోరాహోరీగా తలపడడానికి ఇప్పటి నుండి క్షేత్రస్థాయిలో వ్యవస్థలను సిద్ధం చేసుకుంటున్నాయి.. ఆ రెండు వ్యవస్థల్లో ఒకరు కచ్చితంగా టీడీపీలోకి రానున్నారు అనేది నూటికి నూరు శాతం నమ్మి తీరాల్సిన అంశం. అందుకే.. ఈ మొత్తం వ్యవహారంలో “పమిడి రమేష్” ఒక పావుగా మిగిలిపోయే అవకాశాలు లేకపోలేదు. పైగా రమేష్ లో బీభత్సమైన “మాస్ ఫాలోయింగూ”.., అందరిని కలుపుకుని రాజకీయం నడిపించగల “చొరవ”.. పార్టీ బలాన్ని పెంచే “థాట్ ప్రాసెస్” కూడా పెద్దగా లేదు..!

Darsi TDP: New Strategy How Would Work..?
Darsi TDP: New Strategy How Would Work..?

Darsi TDP: కమ్మ నాయకత్వం ఎంత మేరకు..!?

దర్శి నియోజకవర్గంలో సామజిక చైతన్యం ఎక్కువ. దాని కంటే ఆర్ధిక చైతన్యం కూడా ఎక్కువ. సామజిక చైతన్యాన్ని, ఆర్ధిక చైతన్యం డామినేట్ చేసే స్థాయిలో ఉంటుంది.. అందుకే.., కేవలం ఈ ఒక్క కారణంతోనే సామాజికానికి సంబంధం లేకుండా శిద్దా రాఘవరావు అనే ఒక ఆర్ధిక శక్తీ దర్శిలో నెగ్గగలిగారు. మరి పమిడి రమేష్ ఆ విధంగా నెగ్గగలరా..!? సామాజికంగా రమేష్ కి కొంత మేర బలం ఉంటె ఉండొచ్చు.., కానీ ఇతర సామాజికవర్గాలతో పోలిస్తే ఈ బలం తక్కువే.

  • దర్శి నియోజకవర్గంలో మొదటి నుండి ఆధిపత్యం రెడ్డి సామజిక వర్గానిది. ఆ తర్వాత కాపు సామాజికవర్గం.. ఓట్లు పరంగా బీసీలు, ఎస్సిలు ఎక్కువగా ఉన్నప్పటికీ.. “పొలిటికల్ డామినేషన్” పరంగా రెడ్డి, కాపు వర్గాలదే ఎక్కువ. కేవలం ముండ్లమూరు, కురిచేడు మండలాల్లోని కొన్ని గ్రామాల్లో మాత్రమే కమ్మ సామాజికవర్గం హవా ఉంటుంది. బీసీ ఓట్లు, ఎస్సి ఓట్లు, రెడ్డి, కాపు ఓట్లు తర్వాత స్థానంలో కమ్మ ఓట్లు ఉంటాయి. అత్యంత సున్నితమైన ఈ అంశాన్ని మరిపించి దర్శిలో నాయకుడిగా తాను నిలదొక్కుకోవడం పమిడి రమేష్ కు అంత ఈజీ కాదు.
  • ఎప్పుడో ఏడాది కిందటే తాను నియోజకవర్గ సమన్వయకర్తగా అక్కడ అడుగుపెట్టినప్పటి నుండీ.. ఆయన వెంట నిలుస్తున్నది కేవలం కమ్మ సామాజికవర్గ నాయకులు మాత్రమే. చాలా ఏళ్లకు దర్శిలో తమ సామాజికవర్గ నాయకుడు వచ్చాడు అనే సంతోషంలో వాళ్ళే జేజేలు కొడుతున్నారు. జెండాలు కడుతున్నారు, బీసీ నేతల్లోనూ కొందరు టీడీపీలో బలమైన నాయకులు ఉన్నప్పటికీ ప్రస్తుతం సైలెంట్ గా ఉంటున్నారు. మాజీ ఎమ్మెల్యే నారపుశెట్టి పాపారావు వర్గానికి కూడా పమిడి రమేష్ రాకపట్ల ఏమాత్రం సమ్మతి లేదు.
  • సామజిక సవాళ్ళను అధిగమించి రమేష్ అక్కడ నాయకుడిగా పార్టీని బలోపేతం చేయడం కత్తిమీదసాము. పోనీ శిద్దా రాఘవరావు వంటి నాయకుడిని ఆదర్శంగా తీసుకుని అందరినీ మచ్చిక చేసుకుని.. ఆర్ధికంగా ఆదుకోవాలన్నా.. తన దగ్గర అంత శక్తి లేకపోవచ్చు.., చివరాఖరికి టికెట్ లేకపోవచ్చు. అందుకే రమేష్ పార్టీని నమ్మి ఆ తరహా రిస్కు చేయలేరు. అంచేత ఇన్నాళ్లు నడుస్తున్నట్టే.. నడిపిస్తున్నట్టే దర్శిలో టీడీపీ అప్పుడప్పుడు జేజేలు, ఫ్లెక్సీలు, జెండాలతో కళకళలాడుతూ.., మిగిలిన సమయాల్లో కాస్త నీరసించాల్సిందే..!
- Advertisement -
RELATED ARTICLES

ప్రకాశం జిల్లాలో వైసీపీని ముంచింది ఇదే ..! బావ – బావ మరుదుల గ్యాప్ పెద్దదా..?

రాష్ట్ర వ్యాప్తంగా తెలుగుదేశం పార్టీ చురుగ్గా, బలంగా ఉన్న జిల్లా ఏదైనా ఉంది అంటే ఉమ్మడి ప్రకాశం జిల్లానే. ఈ విషయాన్ని తెలుగుదేశం పార్టీ కూడా అంగీకరిస్తుంది. అందుకే అక్కడ...

Ongole MP TDP: భారీ ప్లాన్ వేసిన టీడీపీ..! ఎంపీ అభ్యర్థిగా వైసీపీకి ధీటైన నేత!?

Ongole MP TDP: రాష్ట్ర వ్యాప్తంగా ఉన్న 25 పార్లమెంట్ స్థానాల్లోనూ తెలుగుదేశం పార్టీ గెలవడం అతి కష్టమైన స్థానాలు ఒక అయిదు ఆరు వరకూ ఉంటాయి..! కడప, కర్నూలు,...

Addanki Politics: అద్దంకిలో ఎవరికి ఎవరు శత్రువు..!? కొత్త వ్యూహంతో కృష్ణ చైతన్య..!

Addanki Politics: కరణం వర్గానికి - గొట్టిపాటి, బాచిన రెండు వర్గాలతో శత్రుత్వం ఉంది. కుటుంబ పరమైన ఫ్యాక్షన్ తగాదాలు ఉన్నప్పటికీ 2019 ఎన్నికల్లో గొట్టిపాటికి చేసారు. ఇప్పుడు కరణం...

Most Popular

ఆముదాలవలస: ఎవరి బలం ఎంత..! వైసీపీలో “స్పీకర్” సెంటిమెంట్ .. మార్పు తప్పదా..!?

శ్రీకాకుళం జిల్లా ఆముదాలవలసలో ఎవరి బలం ఎంత..? వైసీపీ, టీడీపీ పరిస్థితులు ఎలా ఉన్నాయి..? అనే విషయాలను పరిశీలిస్తే .. ఇక్కడ ఎమ్మెల్యేగా స్పీకర్ తమ్మినేని సీతారామ్ ప్రాతినిధ్యం వహిస్తున్నారు....

జేసి ప్రభాకరరెడ్డి కంపెనీ ఆస్తులను జప్తు చేసిన ఈడీ

అనంతపురం జిల్లా టీడీపీ నేత, తాడిపత్రి మున్సిపల్ చైర్మన్ జేసి ప్రభాకరరెడ్డికి ఈడీ షాక్ ఇచ్చింది. ఆయన కంపెనీకి చెందిన ఆస్తులను జప్తు చేసింది. బీఎస్ 4 వాహనాల రిజిస్ట్రేషన్...

పీఎస్ లోనే వైఎస్ షర్మిలకు వైద్య పరీక్షలు ..రిమాండ్ తరలింపుకు సన్నాహాలు.. ఇంటి వద్ద విజయమ్మ నిరసన

వైఎస్ఆర్ టీపీ అధ్యక్షురాలు వైఎస్ షర్మిలను పోలీసులు అరెస్టు చేసి హైదరాబాద్ లోని ఎస్ఆర్ నగర్ పోలీసు స్టేషన్ కు తరలించిన సంగతి తెలిసిందే. ప్రగతి భవన్ ముట్టడికి పిలుపును...

ఏపి నూతన సీఎస్ గా జవహర్ రెడ్డి .. సీఎంఓలోకి పూనం మాలకొండయ్య

ఏపి నూతన ప్రభుత్వ ప్రధాన కార్యదర్శి (సీఎస్) గా సీనియర్ ఐఏఎస్ అధికారి జవహర్ రెడ్డి నియమితులైయ్యారు. ఈ మేరకు మంగళవారం ప్రభుత్వం ఉత్తర్వులు జారీ చేసింది. ప్రస్తుత సీఎస్...